Bandeau
AGHA

Association de Généalogie des Hautes-Alpes

Acte d’escholage pour la Communauté de Remollon. 1621
Article mis en ligne le 1er janvier 2018
dernière modification le 8 janvier 2018

par FAURE Pierre
Visites : 87 - Popularité :
2%
logo imprimer
Licence : CC by-nc-nd

1.E.3593 f° 113v°

10 octobre 1621

Acte d’escholage pour la Comm(unaul)té de Remollon.

L’an mil six centz vingt et un et le dix(ies)me
jour du mois d’octobre par devant moy no(tai)re
royal de Remollon soubz (sig)né et tesmoings apprès
nommés a comparu honneste Claude Montclard
de la ville de Carpentras. Lequel en suite du
marché faicte entre luy et les consulz et
aultres particulliers du présent lieu de Remollon
touchant la Régence des escholles dud(ict) lieu
pour unne année, de son bon gré pure franche
et liberalle vollonte a promis et promet à Jaques
Souchon et Pierre Faucon consulz modernes dud(ict)
lieu de Remollon, à Capp(itai)ne Pierre Chevallier S(ieu)r
du Pin, M(aist)re Nicollas Juyné, Jean Rolland la
Baume, M(essi)re George Florens, tant à leur nom
que de tous et cha(sc)un les aultres particulliers
dud(ict) lieu qui envoyeront leurs enfan(t)s à
l’escholle, de les servir de M(aist)re d’escholle
pour le temps et terme d’unne année accomançant
à courir dès la (barré : prochaine) feste de s(ainc)t Michel
dernière eschue, jusques à la mesme feste
de s(ainc)t Michel prochaine, et pandant lad(icte) année
bien et debuement enseigner les enfans ou
filles qui seront soubz sa charge, le chacun

f° 114

sellon sa capacité et portée, leur monstrer bon
example, les instruire à la lecture, escripture,
arithmétique et grammaire selon la faculté de
sesd(icts) escholliers ; ensamble, le jour de dimanche
et festes, conduire à la messe les
catholiques, et assistant à icelle, s’ayder à lire (dire ?)
la grand messe et générallement y proccéder
en tout fidellement ainsin que sa charge
et devoir l’obligent. Et ce pour et moyennant
le prix antre lesd(ictes) partyes accordé de cent
et cinq livres de la valleur de l’édict
revenant à trante cinq escus qui luy
seront payéz quarton par quarton, et luy
sera fourny un quarton d’avance pour s’antretenir
comprins dans led(ict) prix de (barré : vingt)* et cinq
escus les dix escus que la Comm(unaul)té a
accoustume donner de toute antiquité aux
régentz des escholles pour ceux qui y vont
et n’ont moyen de le payer et pour aultres bonnes
considérations. Lesquels lesd(its) consulz prommectent
faire payer aud(ict) Montclard par le collecteur qui
en aura la charge, aussi quarton par quarton.
Et les vingt et cinq escus restantz se payeront
par lesdits particulliers et aultres qui envoyeront
leurs enfants soubz à la forme

f° 115v°

qu’a esté dict cy dessus, un cha(sc)un à proportion
des enfans ou filles qui y (barré : iront) envoyera
pour la satisfaction de laquelle somme ils
seront tenuz l’esgalizer antre eux. Et moyennant
ladite somme de trante cinq escus, led(ict) Montclard
sera tenu soy nourrir et antretenir sans
que la Comm(unaul)té ou particulliers luy soient
de rien tenus pour son antretien, sauf néantmoins
d’unne chambre et utensilles pour son petit
mesnage, et d’un lict qui seront tenus (barré : luy)
lesd(icts) particulliers luy fournir garny de tout
ce qui faut. Et ainsin, lesd(ictes) partyes en
cha(sc)un comme concerne et touche ont promis
et prommetent avoir le contenu au présent acte
aggréable et n’y contrevenir de droict ou de
faict à peyne de tous despans dommages
et intheretz (...) soubz les obliga(ti)ons, submissions
hypotheques, serement, renoncia(ti)on et aultres
clauses à tel cas requises. Ainsin l’ont promis
et juré et renoncé à tout ce que dessus
contraire. Ce que faict et publié audit
lieu de Remollon et devant la ma(is)on des
hoirs
de Capp(itai)ne Pancrace Thomot aux présences
de M(aist)re Antoine Farruol, faizeur de toilles du
lieu d’Esparron, et de Gregoyre Daumas du

f° 115

mesme lieu d’Esparron, tesmoings requis illitérés
et les partyes, ceulx qui ont sceu escripre se
sont soubz (signés).
J.Sochon conseul – N.Joynne – ChenardJ.Mauduech – Rollandet Moy, J.Tanc notaire.

Transcription de Pierre FAURE.

Forum
Répondre à cet article

Calendrier

août 2018 :

Rien pour ce mois

juillet 2018 | septembre 2018

Évènements à venir

0 | 5

12
septembre
2018

15
septembre
2018

15
septembre
2018

16
septembre
2018

27
septembre
2018
Haut de page
Réalisé sous SPIP
Habillage ESCAL 4.1.4
Soutenir par un don